Kooxda Arsenal ayaa waxaa lugtii koowaad ee koobka Champions League-ga garoonkeeda Emirates Stadium 1-3 uga badiyay kooxda Monaco.
Boqorka Monaco Prince Albert ayaa daawanyay ciyaarta,isagoo taageerayay kooxda Monaco.
Taageerayaasha kooxda Monaco ayaa u mahad celiyay tababaraha kooxda Arsenal Arsene Wenger oo horey u leeylin jiray kooxdaasi.
Kooxda Monaco ayaa goolka la hor martay,waxaana dhamaadkii qeybtii hore ee ciyaarta u dhaliyay ciyaaryahan Geoffrey Kondogbia,sidasi ayaana lagu kala nastay qeybtii hore ee ciyaarta.
Ciyaaryahan Dimitar Berbatov ayaa bilowgii qeybtii labaad ee ciyaarta goolka labaad u dhaliyay kooxda Monaco.
Ciyaaryahan Alex Oxlade-Chamberlain ayaa dhamaadkii ciyaarta gool u dhaliyay kooxda Arsenal.
Ciyaaryahan Yannick Ferreira-Carrasco ayaa waqtigii dheeriga ahaa ee ciyaarta lagu daray gool sedaxaad u dhaliyay kooxda Monaco.
Kooxda Bayer Leverkusen ayaa lugtii koowaad ee koobka Champions Leahue-ga garoonkeeda BayArena 1-0 uga badisay kooxda Atletico Madrid.
Kooxda Bayer Leverkusen ayaa goolka la hor martay,waxaana bilowgii qeybtii labaad ee ciyaarta u dhaliyay ciyaaryahan Hakan Calhanoglu.
Garsoorihii ciyaarta Pavel Kralovec ayaa daqiiqadii 76-aad ee ciyaarta kaarka casaanka ah u taagay ciyaaryahan Tiago oo khadka dhexe uga ciyaarta kooxda Atletico Madrid.
