Kooxda Aston Villa ayaa u soo baxday Semi-finalka koobka FA Cup,ka dib markii ay kulankii Midlands derby garoonkeeda Villa Park 2-0 uga badisay kooxda West Bromwich Albion.
Kooxda Aston Villa ayaa waxaa qeybtii danbe ee ciyaarta labada gool gool u kala dhaliyay ciyaaryahanada kala ah Fabian Delph iyo Scott Sinclair.
Kooxda West Bromwich ayaa waxaa dhamaadkii qeybtii danbe ee ciyaarta kaarka casaanka ah ka qaatay ciyaaryahan Claudio Yacob,iyadoo kooxda Aston Villa uu sidoo kale kaarka casaanka ah ka qaatay ciyaaryahan Jack Grealish.
Tababaraha cusub ee kooxda Aton Villa Tim Sherwood ayaa sabtidii la soo dhaafay 2-1 uga badiyay kooxda West Bromwich oo uu hogaamiyo macalin Tony Pulis.
Taageerayaasha kooxda Aston Villa oo aad u faraxsanaa ayaa dhamaadkii ciyaarta soo galay garoonka Villa Park,iyadoo ku faraxsan kooxdood oo u soo gudubtay Semi-finalka koobka FA Cup-ka.
