Baarlamaanka dalka Ciraaq ayaa maanta oo Arbaco ah ku fashilmay inuu doorto madaxweyne cusub markii labaad isbuuc gudihiis.
Sida ay sheegtay wakaaladda wararka ee Anadolu, Baarlamaanka Ciraaq wuxuu awoodi waayay inuu dhameystiro kooramka, si loo qabto kalfadhi lagu dooranayo madaxweynaha jamhuuriyadda Ciraaq.
Tobaneeyo xildhibaan ayaa qaadacay fadhigii baarlamaanka maanta ee loogu talagalay in lagu doorto madaxweyne cusub.
Kalfadhiga baarlamaanka waxaa soo xaadiray 200 oo xildhibaan oo kaliya, halka doorashada madaxweynaha Ciraaq ay u baahan tahay saddex meelood labo meel xubnaha baarlamaanka, taasoo ah 220 xildhibaan.
Tirada guud ee xubnaha Baarlamaanka Ciraaq ayaa ah 329.
Sabtidii lasoo dhaafay, baaralmaanka Ciraaq ayaaa sidaan oo kale ku guul dareeysatay inuu helo kooram dooran kara madaxweyne.
Xilka madaxtinimada dalka Ciraaq waxaa u taagan 59 musharrax kuwaas oo ay ugu cadcadyihiin labada murashax ee kala ah Barham Saalax iyo Reyber Axmed.
Awood qeybsiga dalka Ciraaq ayaa ku dhisan in Kurdiyiintu qaataan madaxweynaha , guddoomiyaha baaralamaankana Sunniyiinta halka Shiicadu a ay hesho ra’iisal wasaaraha dalka.
