Guddoomiyaha Gobolka Mudug Cabdiraxmaan Cali Diiriye (Isxal) ayaa bulshada Gobolka Mudug ugu Baaqay in ay u middobaan ladagaalanka ururka argagixisada Al-shabaab kuwaas oo sheegay in dhibaato Ba’an ay ku hayaan shacabka Gobolka Mudug.
Guddoomiye Isxal ayaa sheegay in Al-shabaab ay hada waddan qorshe lagu nabaad guurinayo dadka xoolo dhaqatada ah iyaga oo muddooyinkii danbe wadda af-duubka dadka Reer guuraga ah iyo xoolahooda sidookale waxey gubeen aqaladii u dhisnaa dadkaas.
Maamulka Gobolka Mudug wuxuu shacabka, ganacsatada iyo Dhamaan bulshada ugu baaqayaa inay u istaagaan difaaca Degaanka, dadka iyo Diinta.
Guddoomiyaha ayaa ugu danbeen u mahadceliyay ciidamada daraawiishta Galmudug iyo dadka deegaanka oo wada abaabul la iskaga difaacayo argagixisada, isagoona tilmaamay in ay muhiimtahay in garab la iska siiyo qorshaha ciribtirka argagixisada Al-Shabaab oo dhibaato ku haya dadka shacabka ah.
