Xildhibaannada Baarlamaanka Federaalka ah ee Soomaaliya oo maanta kulan ku yeeshay magaalada Muqdisho ayaa laga hor akhriyay xeerka isgaarsiinta qaranka iyo hindise-sharciyeedka iibka qaranka, iyadoo kulankaasi uu shir guddoominayay Guddoomiyaha golaha baarlamaanka Dalka Maxamed Sheekh Cusmaan Jawaari.
Sii hayaha xilka Wasiir ku-xigeenka Wasaaradda boostada iyo isgaarsiinta ee Soomaaliya Axmed Cali Salaad oo maanta baarlamaanka ka hor akhriyay xeerka isgaarsiinta qaranka oo uu ku tilmaamay inuu qeyb ka qaadan karo dhaqaalaha, horumarka iyo xeerarka dalka ee dhinaca isgaarsiinta.
Mudane Axmed Cali Salaad ayaa Wuxuu u sheegay xildhibaannada inuu xeerkani uu dhaqaalo soo galinayo dalka islamarkaana uu ilaalinayo isku dhaca mowjadaha raadiyeyaasha iyo telefishinnada, isla markaana uu abuurayo xeer lagu maamulo isgaarsiinta dalka, fududeynta isticmaalka adeegyada internet-ka iyo qodobbo kale oo muhiim ah.
Hindise-sharciyeedka iibka qaranka ayaa dooddiisa dib loo dhigay, iyadoo guddoomiyaha baarlamaanka Soomaaliya Mudame Maxamed Sheekh Cusmaan Jawaari ayaa sheegay in maalinta sabtida soo socota laga doodid doono hindise sharciyeedkani ay soo gudbisay wasaaradda boostada iyo Isgaarsiinta.
