Kulanka Baarlamaanka Dowlad Goboleedka Galmudug oo uu shir guddoominayay Guddoomiyaha Baarlamaanka Dr Maxamed Nuur Gacal ayaa lagu qabtay magaalada Dhuusamareeb ee xarunta Galmudug.
Ajandaha Kullanka oo ahaa ka doodista Sharciga qaadista qidmada iyo Ujuurooyinka Kalluumeysiga Galmudug oo ay Baarlamaanka u soo gudbisay Wasaaradda Kalluumeysiga Badda ayaa Wasiir ku-xigeenka Wasaaradda Dakadaha iyo Kalluumaysiga Galmudug Mudane Cabdi-daahir Xuseen Cali ayaa waxa uu xusay in waxyaabo horay Wasaaradda uga soo laabtay sharcigii hore halkan lagu sixi doono, mar waliba ay u dhaga nugulyihiin Baarlamaanka.
Wasiiru dowlaha Wasaaradda Dekadaha iyo Kalluumaysiga Galmudug Khaalid Cabdullaahi Warsame ayaa xusay in Sharcigan uu muhiim u yahay Maamulka, uuna ka codsanayo in Baarlamaanka ay ka doodeen oo ay meel mariyaan sharcigan.
Xildhibaanada ayaa dood geliyay, waxaana ay akhrinta koowaad marsiiyeen xeerkan, kaasi oo guddiyada ay ku sameyn doonaan wax badal iyo wax ku kordhin, kuwaasi oo dib ugu soo celin doono Baarlamaanka Galmudug.
