Mudaneyaasha baarlamaanka Federaalka ah ee Soomaaliya oo kulan ku yeelanaya xarunta Golaha Shacabka ayaa looga hadlayaa akhrinta saddexaad ee Hindise sharciyeedka Guddiga Madaxa banaan ee doorashooyinka Madaxa banaan.
Xildhibaan Maxamed Cumar oo ka mid ah mudanayaasha Baarlamaanka ayaa sheegay ajandaha kulanka uu yahay akhrinta saddexaad ee hindise sharciyeedkan , isagoo intaa ku daray in ajandahan uu shalay baaqday, maantana laga doodi doono.
“Ajandaha akhrinta saddexaad ee Hindise sharciyeedka Guddiga Madaxa banaan ee doorashooyinka Madaxa banaan waxaan rajeyneynaa in maanta laga doodo, runtii wixii kalo oo dheeri ah, guddoonka ayaan ka sugeynaa in uu Xildhibaannada u soo gudbiyo” ayuu yiri Xildhibaan Maxamed Cumar.
