Kulanka maanta magaalada Muqdisho ay ku yeesheen baarlamaanka jamhuuriyadda federaalka Soomaaliya oo ka kooban labada aqal oo kala ah golaha shacabka iyo aqalka sare ayaa waxaa uu ku saabsanaa ajendiyaal uu kamid ahaa arimaha doorashooyinka guddoonka labada aqal iyo madaxwyenaha.
Kulanka ayaa waxaa lagu dhaariyay 12 xildhibaan, iyadoo baarlamaanka jamhuuriyadda federaalka uu maanta go’aamiyay in musharaxiinta xilka madaxweynaha laga qaadi doono lacag dhan $30,000, halka musharaxiinta guddoonka labada aqal laga rabo $15,000.
Sidoo kale, baarlamaanka waxaa ay isku raaceen in mudane kasta oo labada aqal ka tirsan uu u saxiixi karo ugu yeraan sadex musharax.
Baarlamaanka ayaa sidoo kale waxaa ay maanta shaaciyeen xilliga doorashada guddoonka labada aqal iyo tan madaxweynaha ay soo saari doonaan guddiga baarlamaaniga ah ee golaha uu ku dhawaaqi doono.
