Kooxda Barcelona ayaa kulankii El Clasico garoonkeeda Camp Nou 2-1 uga badisay kooxda Real Madrid.
Kooxda Barcelona ayaa goolka la hor martay,waxaana daqiiqadii 19-aad ee ciyaarta u dhaliyay ciyaaryahan Jeremy Mathieu.
Ciyaaryahan Cristiano Ronaldo ayaa daqiiqadii 31-aad ee ciyaarta goolka bareejada u dhaliyay kooxda Real Madrid.
Ciyaaryahan Ronaldo ayaa dhaliyay goolkiisii 31-aad ee horyaalka Spain ee La Liga.
Ciyaaryahan Luis Suarez ayaa bilowgii qeybtii labaad ee ciyaarta goolka labaad u dhaliyay kooxda Barcelona.
Kooxda Barcelona ayaa afar dhibcood ka sare martay kooxda Real Madrid,waxana ay leedahay 68-dhibcood,halka kooxda Real Madrid ay leedahay 64-dhibcood.
