Kulanka Barlamaanka oo uu maanta shir guddoominayey gudomiye ku xigeenka kowaad Barlamaanka Mudane Jaylaani Nuuur Iikar ayaa ugu horayn waxaa warbixinta ku aadan wax ka badel lagu samayey Miisaaniyadda sanadka 2015-ka ka dhegeystay Guddiga Maalliyadda ee golaha Barlamaanka taas oo labo maalin ah ay ka doodayeen mudanayaasha golaha Shacabka.
Xildhibaan Samaan Maxamed Sheekh , guddoomiyaha guddiga Maalliyadda Barlamaanka Soomaaliya sheegay in gudigu kulamo ay la yeeshey mas’uuliyiinta Wasaarada Maalliyadda iyagoo kala hadlay qodobadii Xildhibaanada ku taliyeen in wax laga bedelo.
Xoghayaha guddiga Maaliyadda Barlamaanka Federaalka Soomaaliya oo ka hadalayey ahmiyadda ay leedahay ansixinta Miisaaniyadda dowlada ee sanadka 2015 oo tiro ahaan gaaraysa USD 239.9 Milyan ,dhegaysiga guddiga Maaliyadda ka dib ayaa loo gudagalay codaynta ansixinta Miisaaniyadda sanadka 2015-ka ee dowlada federaalka Soomaaliya oo ay goob joog ka ahaayeen Sii-hayaha Wasiiru dowlaha Wasaarada Maaliyadda Soomaaliya waxaana u codaysay Miisaaniyadda la ansixiyo ,148 mudane ayaa ogolaatay ,9 Mudane ayaa diiday,5 Xildhibaana waa ay ka aamuseen sidaas darteed Miisaaniyadda waa la ansixiyay sida uu ku dhawaaqay guddomiye ku xigeenka 1 aad ee Barlamaanka Mudane Jeylaani Nuur Iikar.
Sida ka muuqanaysa warbixinta guddiga Maalliyadda Barlamaanka Soomaaliya, waxaana kula talagalka Miisaaniyadda 2015-ka oo dhan USD 239.9 Milyan,waxaa ka muuqdain Miisaaniyaddu u badan tahay kharashyada adeega maamulka taas oo looga qoondeeyay Miisaaniyadda joogtada ah USD 103.5 Milyan una dgiganata 43.1% ee Miisaaniyadda, hay’adaha adeega Difaaca iyo Amniga USD 88.3 Milyan una dhiganta 36.8% ee Miisaaniyadda, hay’adaha adeega Bulshada USD 7.8 Milyan una dhiganta 8.4% ee Miisaaniyadda iyo kuwa kale USD 20.2 Milyan una dhiganta 8.4% ee Miisaaniyadda sanadka 2015-ka ee Qaranka.
Sii-hayaha xil Wasiiru dowlaha Wasaarada Maalliyadda Soomaaliya Cabdulaahi Maxamed Nuur oo an sixinta miisaaniyadda ka dib la hadalay xubnaha golaha shacabka Soomaaliya isagoo kaga mahad celiyey meel marinta miisaaniyadda dowlada ee 2015-ka waxaana mudaniyaasha ku amaanay tallooyinka ka siiyeen Miisaaniyaddan sidii ay u meel mari laheyd.
Ansixinta miisaaniyayadda dowladda ee sanadka 2015-ka oo uu maanta meel mariyay golaha Barlamaanka Federaalka Soomaaliya ayaa muhiimad gaar ah u leh dardar gelinta howlaha dowlaha Soomaaliya.
