Mudaniyaasha golaha Shacabka oo maanta kulan ku yeeshay xaruntooda magaalada Muqdisho ayaa waxaa ay ku soo geba gebeeyeen akhrinta Hinse sharciyeedka Hanti dhowrka guud ee Qaranka kaas oo maanta golaha ay dib ugu soo celiyeen guddigga Maalliyadda Soomaaliya.
Xoghayaha guddigga Miinsaaniyadda iyo la xisaabtanka hay’adaha dowliga ee Soomaaliya Xildhibaan Cismaan Xaaji Cali oo kulanka maanta ka hadlay ayaa sheegay in qodobada qaar ee Hindise sharciyeedkan wax ka bedel ku sameeyeen.
Guddoomiye ku xigeenka koowaad ee Barlamaanka Soomaaliya Mudane Jeylaani Nuur Iikar oo kulanka maant shir guddoominaayay ayaa sheegay in Hindise sharciyeedkan maalinta khamiista ah loo codeysn doono sida uu qabo xeer hoosaadka golaha shacabka.
Sidoo kale Xildhibaanada Baarlamaanka Soomaaliya ayaa waxaa loo qeybiyay magacaabista guddi hoosaadka ilaalin iyo hufnaanta ee Barlamaanka kuwaas oo ka kooban 10 xubnood oo ka tirsan Barlamaanka Soomaaliya.
