Mudanayaasha Barlamaanka Federaalka Soomaaliya oo maanta kulan ku leh magaalada Muqdisho, ayaa lagu wadaa in ay go’aan ka gaaraan Mooshinka la xiriira Golaha wakiillada maamulka KMG Jubaland,
Xildhibaan Maxamed Cumar Maxamuud oo ah Hab-dhowraha Barlamaanka Soomaaliya ayaa Radio Muqdisho uga warramay Ajandaha Barlamaanka Soomaaliyaee la xiriira Arrinta Mooshinka Golaha wakiillada Maamulka Jubba.
“Sida aad Ogtihiin muddooyinkaan waxaa jiray mooshinka ka dhanka ah Golaha wakiillada Maamulka jubba oo horay looga Dooday balse aan lagu da galelin sababo la xiriira Tiradii Barlamaanka ee loo baahnaa oon dhamaystirmin maanta oo taariikhdu tahay lixda bisha June waxaa la filayaa in loo Coddeeyo Arrintaas mooshinka ah iyodoo Barlamaanka la horgayn Doono Hindise Sharciyeedka Xeerka Saxaafadda iyo Hindisaha Shaqaalaha Ajaanibta ah” Ayuu Yiri Xildhibaan Maxamed Cumar
Inkastoo horey uu dib u dhac ugu yimid Arrinta Cod u qaadista mooshinka ka dhanka ah dhismaha Golaha wakiillada Maamulka KMG Jubba ayaa kama dambays maanta waxaa la Doonayaa in Cod loo qaado si howsha kale ee Barlamaanka uu hayo ay u sii socoto.
