Barnaamijka gargaar iyo gurmadka ee lagu caawinayo dadkeenna Soomaaliyeed ee ku dhibaateysan Yemen iyo kuwa hadda laga soo daadgureynaya warbaahinta Qaranka caawa waxaa fadhiya guddiga badbaadinta iyo gurmadka oo shacabka Soomaaliyeed la wadaaggaya in ay ka qeyb-qaataan caawimaadda dadkooda dhibaateysan.
Guddoomiyaha guddiga badbaadinta iyo gurmadka qaxootiga Soomaaliyeed ee dalka Yemen Sheekh Nuur Baaruud “Gurxan” iyo xubnaha kale ee guddiga ayaa shacabka Soomaaliyeed la hadlaya isla markaana ku wacyigalinaya in ay dadkooda caawiyaan shacbiga ayaana Teleefannada idaacadda si toos ah u soo wacaya, kuma yaboohaya lacaggo badan oo ay ugu talagaleen qaxootiga Yemen.
Guddoomiyaha guddiga badbaadinta iyo gurmadka qaxootiga Soomaaliyeed ee dalka Yemen Sheekh Nuur Baaruud “Gurxan” ayaa ugu baaqay shacabka Soomaaliyeed in ay xoojiyaan dadaalka iyo yabooha ay walaalahooda Yemen ka imaanaya ku caawinayaan, waxa uuna ALLE ugu baryey umadda Soomaaliyeed ee arrintaas ka qeyb-qaadatay in uu siiyo Jannadiisa.
dhammaan ummadda Soomaaliyeed waxa waajib uu ka saaran yahay in ay ku dadaallaan sidii ay u garab istaagi lahaayeen dadka qaxootiga ah ee walaalahooda, waanna midda kaliyah ee muujineysa Soomaalinimada qiimaha ay leedahay.
Toos u wac radiomuqdisho Tel: 861012 ama 861014.
