Barnaamijka kulanka Todobaadka ee ka baxa Radio Muqdisho iyo Telefishinka Qaranka ayaa lagu falanqeeyay wadahadallada u dhaxeya madaxda Qaranka iyo kuwa maamul gobolyada dalka.
Barnaamijka ayaa waxaa marti ku ahaa Xasan CabdI Maxamed oo ah wasiirka warfaafinta ee maamul goboleedka Koofur galbeed Soomaaliya, kaasoo faah faahin ka bixiyay ahmiyadda ay leeyihiin wadahadalada Muqdisho uga socda madaxda sare ee dalka iyo kuwa maamul goboleedyada dalka.
Intii uu socday barnaamijka ayaa lagu lafa guray horumarrada ay gaareen maamul goboleedyada dalka, iyo natiijooyinka ka soo bixi kara wadahadalada muddada labada cisho ah ka socda magaalada Muqdisho.
