Barnaamijka kulanka todobaadka ee ka baxa Radio Muqdisho ayaa lagu falanqeeyay kalsooni siinta baarlamanka ee xukuumadda cusub.
Barnaamijka ayaa waxaa marti ku ahaa C/llaahi Xabeeb Nuur oo ah xildhibaan hore, Sheekh Nuur Baarud Gurxad oo ka mid ah culumaa’udiinka Soomaaliyeed, kana tirsan dallada culumada Soomaaliyeed, iyo Cabdullaahi Maxamed Shirwac oo ah gudoomiyaha dallada SOSHENSA oo mideysa ururada bulshada rayidka .
Intii uu socday barnaamijka ayaa looga hadlay waxa laga filan karo fadhiga baarlamanka, iyadoo lagu balansanyahay in baarlamnku beri codka kalsoonida u qaado xukuumadda.
Mas’uuliyiinta ka qeybgalay barnaamijka ayaa isku aragti ka ahaa in mudanayaasha barlamnku ansixiyaan xukuumadda cusub oo uu dhawaan soo dhisay R/wasaaraha dalka Dr. Cumar C/rashiid.
