Barnaamijka kulanka todobaadka oo si toos ah uga baxa Radio Muqdisho iyo Telefishinka Qaranka Soomaaliyeed ayaa looga hadlay maanta arinta la xiriirta gidaarka la sheegay in Dowladda Kenya ay ka dhiseyso Xadka ay la wadaagto Soomaaliya.
Barnaamijka ayaa waxaa marti ku ahaa Guddoomiye ku xigeenka Jaamacadda Umadda Aadan Guuleed Shabeel oo ku taqasusay cilmiga siyaasadda iyo maamulka Ibraahim faarax Bur Saliid oo isna ku taqasusay cilmiga siyaasadda arrimaha dibada iyo xalinta khilaafaadka barana ka ahaa Jaamacada Nairobi University oo qadak teleefoonka barnaamijka uga qeyb qaadanayay, waxaana barnaamijka intii uu socday ay falanqeeyeen arrinta darbiga Dowladda Kenya ay ka dhiseyso xadka Soomaaliya iyo Kenya iyo sida loo xalin karo, sharciyan marka la fiiriyo arrintani yay tahay cida laga rabo in ay xaliso, iyo caqabadaha ka imaan kara haddii arrintani ay sii socoto.
Dadweynaha ayaa si toos ah barnaamijka uga qeyb qaadanayay oo su’aallo iyo talooyin la wadaagayay mowduuca barnaamijka ee Maanta.
Sawir Qaade:- Farxaan Suleymaan Daahir
