Madaxweynaha Dowlad Gobolleedka Koonfur Galbeed Mudane Shariif Xasan Sheekh Aadan ayaa shalay galingii dambe furay Shir looga hadlayo Qodobo ka mid ah Dastuurka Dalka oo socondoona muddo Afar maalin ah.
Mas’uuliyiinta shirkaas ka qeyb galaya waxaa ka mid ah Wasiir Dastuurka Xukuumadda Soomaaliya Xuseen Maxamuud Sheekh Xuseen, Xildhibaanno ka tirsan Baarlamaanka iyo Mas’uuliyiin isugu jira Xildhibaanno iyo Wasiirro ka tirsan Dowlad Gobolleedka Koonfur Galbeed.
Wasiirka Dastuurka Xukuumadda Soomaaliya Xuseen Maxamuud Sheekh Xuseen ayaa shirka ku soo Bandhigay qodobada laga doodayo ee ka mid ka ah Dastuurka.
Wajigii labaad ee shirkan ka socda Magaalada Beydhabo ee xarunta Gobolka Baay loogana hadlayo Dastuurka dalka ayaa la filayaa in maanta uu halkiisa ka sii socdo iyadoo xubnaha madasha joogana ay ka doodi doonaan Qodobada ay is leeyihiin way mudanyihiin in laga badalo Dastuurka dalka.
Shirkaan ayaa ka mid ah shirar dhowr ah oo lagu qaban doono Magaalooyinka dowlad Goboleedyada dalka ka dhisan kaas oo u jeedkiisu yahay in laga wada doodo qodobada Dastuurka dalka si loo meelmariyo.
