Deegaanka Ceelhuur oo u dhaxeeya degmooyinka Hobyo iyo Xarardheere ayaa dadka ku nool waxa ay ka cabanayaan biyo la’aan daran oo soo wajahday, kaddib markii fuustada biyaha ah ay gaartay Laba boqol oo kun shilin Soomaali ah.
Sheekh Nuur oo ka mid ah dadka ku nool deegaankaasi ayaa saaka Radio Muqdisho u sheegay in deegaanka Ceelhuur ay ka taagantahay xaalad biyo la’aan daran ah, isagoo intaasi ku daray in marki horeba uusan deegaanku laheyn Ceelbiyood, wuxuuna tilmaamay in dadku isticmaali jireen berkado lagu keeydiyo biyaha roobka.
Related posts
Wuxuu intaasi raaciyay in muddo Sadex sano ah uusan deegaankaasi ka da’in wax roob ah, taasi ayaa sababtay ayuu yiri in dadka ku nool deegaankaasi ay soo wajahdo biyo la’aan baahsan, wuxuuna xusay in gaadiidka biyaha lagu dhaamiyo ee loo yaqaano booyadaha aysan soo geli karin deegaanka bacaad jaray waddooyinka qaar awgeed.
Halkan hoose ka dhageyso
