Johannesburg: Dukaamo ajaaniibi leedahay ayaa dab la qabadsiiyey halka qaar kalena lagu boobay tuulada Alexandra oo ku taala duleedka waqooyi ee magaalada Johannesburg.
Afhayeen u hadlay ciidanka booliska ee gobolka Geuteng Solomon Makgale ayaa sheegay in ay ku gudo jiraan sidii ay wax uga qaban lahaayeen dhaca iyo boobka lagu hayo ajaanibta ku nool dalka South Afrika, oo ay ku jiraan Soomaalida
Afhayeenka ayaa xusay in rabshadahan ay xiriir la leeyihiin falal boob ah oo maalmihii la soo dhaafay ka socday dalka Koonfur Afrika, isagoo xusay in ay iminka isa soo tarayaan.
Dhanka kale waxaa tuulada Langlaagte lagu dilay labo nin oo Koonfur Afrikaan ah kadib markii koox dhalinyaro ah ay isku dayeen inay boobaan dukaan ganacsato Soomaali ah leeyihiin oo ku yaala xaafadaasi.
