Taliyaha booliiska gobolka Galgaduud ayaa sheegay in gobolkaasi la geyn doono ciidamo booliis ah oo lagu xoojinayo kuwa hadda ka howlgala gobolkaasi.
Taliyaha ciidanka booliiska ee gobolka Galgaduud Faarax Warsame ayaa sheegay in gobolka ay soo gaari doonaan taliyayaashii saldhigyada booliiska ee degmooyinka gobolka iyo ciidamo kale oo lagu xoojinayo kuwa iminka ka howlgala gobolka.
Sidoo kale taliyaha ayaa xusay in ciidamada booliisku ay si buuxda uga howlgeli doonaan dhamaan degmooyinka uu gobolku ka koobanyahay, isagoo intaa raaciyay in qorshahaasi uu meel wanaagsan marayo.
Wuxuu tilmaamay in ciidamada booliiska ay ku filaan doonaan sugidda mmaanka gobolka, maadaama ay ciidamadu leeyihiin aqoon iyo khibrad ku saabsan howlahooda, isagoo tibaaxay iney heystan hub qalab ku filan oo ay ku howlgalaan.
