Culimo iyo qaar ka mid ah dadka deegaanka ayaa bulshada ka codsaday in dib u dhis lagu sameeyo masjid qabyo ah oo dhismihiisa 26 sano kahor ugu dambeysay, kaasi oo u baahan in la dhameystiro guud ahaan masaajidka.
Masjidka oo ku yaalla degmada Boondheere ayaa waxaa dhisan oo kaliya aas aaska iyo deerka masjidka, iyadoo dhismahaasi la bilaabay 26-sano kahor, waxaana markii la dhameystiri lahaa ku qabsatay dagaaladii dalka ka dhacay, taasi oo hakad gelisay dhismaha masjidka.
Qaar ka mid ah dadkii ka hadlayay dhismaha Masjidka ayaa ka codsaday ganacsatada, bulshada Soomaaliyeed qeybaheeda kala duwan iyo dowladda Soomaaliya inay gacan ka geystaan dhameystirka Masjidka.
“Masjidkaan dhismo waxaa ugu dambeysay 26-sano ka hor dadkii naqshadda dhismaha hayay lama hayo iminka, marka Ummadda Soomaaliyeed ee Muslimiinta waxaan ka codsaneynaa inay ka qeyb qaataan dhismaha Masaajidka Cabdalla iyo Cawareere qeybtiisa degmada Boondheere oo aan helin wax dhismo ah, una baahan in markale dib loo dhiso, Nabigeenna Muxammad (N.N.K.H) waxa uu dhahay Qofkii aduunka Masjid dhisa, Alle Janada ayuu kaga dhisayaa”
Sawir Qaade:- Qadar Cali Nuur
