Jilayaasha aan dowliga ahayn ee koonfurta iyo bartamaha Soomaaliya SOSCENSA ayaa kulan ay ku yeesheen Muqdisho, kaga soo saaray baaqay ay u jeedinayaan Ummadda Soomaaliyeed inay ka qeyb qaataan gurmad u fidinta dadka ay abaaruhu saameeyn.
Xoghayaha u qareemidda iyo galaangalka SOSCENSA Diini Maxamed Diini oo saxaafadda la hadlay ayaa sheegay in kulankooda uu ka soo baxay warsaxaafadeed ay ku baaqayaan si wada jir ah looga qeyb qaato sidii wax loogu qaban lahaa dadka ay abaaruhu ku dhufteen ee ku nool deegaanada Maamulka Somaliland iyo deegaannad kale ee ka jirta abarta.
Related posts
“Dalladda SOSCENSA waxa ay walaalaha Soomaaliyeed dhamaantood si xushmad leh uga codsaneynaa inay u gurmadaan Walaalaha Soomaaliyeed ee abaaruhu saameeyeen, waxaana si gaar ah baaqan ugu jeedineynaa bahda saxaafadda, inay arrinkan si mug leh bulshada uga wacyigeliyaan sidii gurmad loo gaarsiin lahaa dadka ay abaaruhu waxyeeleyeen meelkasta oo ay joogaan. Ayuu yiri Diini Maxamed Diini.
Xoghayaha u qareemidda iyo galaangalka SOSCENSA ayaa xusay in dhawaan ay kulamo la qaadan doonaan qeybaha bulshada, gaar ahaan ganacsatada, bahda saxaafadda iyo waxbarashada, si loo sameeyo guddi dhaqaale uruurrin ah, si loo balaariyo wax u qabashada dadka ay abaaruhu saameeyn.
“Waxaan dhisi rabnaa guddi dhaqaale uruurrin ah, waxaana shacabka Soomaaliyeed ka fileynaa meelkasta oo ay joogaan inay si hufan u gutaan waajibka ka saaran u gurmashada Walaalahood ee ay abaaruhu ku dhufteem iyo bulshada kale ee degan dhanka jiinka Webiga Shabeelle oo biyo guray, kuwaasi oo u baahan kaalmo dhan waliba leh” ayuu hadalkiisa ku daray.
