Guddoomiyaha Gobolka Hiiraan , Cali Maxamed Carraale ayaa Dhagax dhigay Isbitaal looga tala galay Hooyada iyo Dhallaanka oo dhowaan laga hir-gelin doono Degmada Buulo burte ee Gobolka Hiiraan.
Mashruuca lagu dhisayo Isbitaalkan ayaa waxaa fulinaya hay’adda Maama Seynab Foundation, iyadoo xagga dhaqaalaha ay ka caawin doonto Dowladda aynu Walaalaha nahay ee Qadar.
Isbitaalkan oo loogu Magac daray marwada koowaad ee Dalka Maamo Saynab ayaa waxaa laga dhisi doonaa guud ahaan Gobollada Dalka Soomaaliya, sida uu warbaahinta Qaranka u sheegay Guddoomiyaha Gobolka Hiiraan, Cali Maxamed Carraale.
Isbitaallada laga hir-gelinayo Dalka Soomaaliya ayaa wax weyn ka tari doona sare u qaadidda caafimaadka Hooyada iyo dhallaanka Soomaaliyeed.
