Waxaa dayactir lagu sameeyey Buunda muhiim ah oo ku taalla deegaanka Tixsiile ee gobalka Shabeelada hoose, waxaana xarigga laga jaray shalay oo Talaado ah.
Deegaanka Buundada ku taalo ayaa sidoo kale la yiraahdaa 10-ka Buundo waxa ay u dhaxaysaa degmada Afgooye iyo demada Wala-weyne ee gobalka Shabeelada hoose.
Munasabaddii xarigga looga jarayey waxaa ka qayb galay Masโuuliyiinta Maamulka koofur galbeed ee Soomaaliya iyo kan Shabeelada hoose.
โDhaqaalaha lacageed ee canshuurta ay bixiyeen dadka ku dhaqan degmada Afgooye ayaa lagu dhisay buundadan,
waxaan ka shaqaynaynaa dhismaha ilaha dhaqaale ee gobalkan iyo hurumarintiisaโ, sidaa waxa SONNA u sheegay gudoomiyaha gobalka Sh.hoose, Ibrahim Adan Cali.
Wasiirka Xanaanada Xoolaha koofur Galbeed ee Soomaaliya, Madoobe Nuunow Maxamed oo isaga xariga ka jaray Buundadan ayaa uga mahad naqay maamulka iyo dadka ku dhaqan gobalka Shabeelada hoose sida ay isagu tashteen ee ay uga shaqaynayaan hurumarinta gobalka.
Waxaa jira baraarug weyn oo bulshada ay iyada isku tashanayso.
