Madaxweynihii Hore Ee Somalia Mudane Cabdi Qaasim Salaad Xasan oo Wareysi Gaar ah siiyay Radiomuqdisho Isagoo ku sugan Wadanka Masar ayaa waxaa uu ka hadlay Dareenkiisa in Mudo 29 Sano ah ka dib Somalia ay marti galisay Shirka Wasiirada Arimaha Dibada Urur Goboleedka IGAD kaas oo Maanta si rasmi ah uga furmaya Caasimada Dalka Ee Muqdisho.
Cabdi qaasim ayaa wareysigaan waxaa uu ku sheegay in Somalia uu Shirkani u yahay Waa Cusub oo Ummadda Soomaaliyeed u baryay isla markaana Wacyiga Caalamku ka haystay Somalia uu is badal Xoogleh uu ku yimid waxaana uu ugu Baaqay Bulshada Soomaaliyeed in ay adkeystaan Fursada Muhiimka ah Ee soo martay Martidana ay soo wada dhaweeyaan isagoo intaaa raaciyay in Dowladii uu hogaaminayay AUN Maxamed Siyaad Barre waqtigii ay Dalka ka talineysay ay Somalia ugu dambeysay Shir Nuucaan oo kale ah,
Cabdi Qaasim Salaad Xasan ayaa waxaa uu Bulshada Soomaaliyeed u soo jeediyay in ay u midoobaan Hormarka Dalka isla markaana ay ka gudbaan waxyaaabaha aan Danta Dalka iyo dadku ku jirin Ee ay Dadka qaar ku jiraan isla markaana Dowladnimada Somalia oo Maanta hana qaaday la adkeeyo isagoo ku baaqay in Soomaalinimada la ilaaliyo Maleyshiyaadka Nabaddiidka ah ayuu iyagana u soo jeediyay in ay Dowladda isu dhiibaan oo ay dhibaatada dhafaan.
Mr Salaad ayaa waxaa uu ka hadlay Maamul Goboleedyada Dalka laga dhisayo isagoo Fursad Muhiim ah ku tilmaamay loona baahan yahay in dadka iyagu is maamulaan Iyagoo hoostagaya Dowladda Federaalka ah Ee Somalia waxaa kale oo uu Maamulka Somaliland u soo jeediyay Codsi ah in Somalia aysna kala Go.ikarin Xiligaan isla markaana uu ka codsanayo in ay tanaasulaan oo ay Midnimada Somalia Hormuud u noqdaan isagoo dhanka kalena soo jeediyay in Dhibaatada Dadka wuqooyi galbeed ay tabanayaan la Xaliyo si dhaqso ah.
