Allaha u naxariistee laba Carruur ah ayaa ku dhintay, halka laba kalena ku dhaawacmeen dab ka kacay guri jiingada oo ku yaala agagaarka garoonka Boorama ee degmada Sheekh Cismaan.
Ciidanka Dab-demiska Boorama oo goobtaas gaaray, isla markaana gurmad u fidiyay qoyska , ayaa dabkaa ka xakameeyeen gurigii , iyadoo intaa kadibna la sameeyay samatabixinta iyo in maydka laga soo saaro guriga.
Labada carruur ah ee dabka ku dhintay ayaa kala ahaa Deeqsan Sheekh Muuse Maxamed oo 3 Sanno jir ah iyo Aragsan Sheekh Muuse Maxamed oo 9 bilood jirtay, halka labada dhaawaca ah ay kala yihiin Muxumed Sheekh Muuse oo 5 sanno jiray iyo Khaalid Sheekh Muuse oo 8 sanno jiray.
Ciidanka oo la wareegay guriga ayaa bilaabay baarista waxa uu dabku ka dhashay, waxaana dhaawacii iyo dhimashadii la gaarsiiyay isbitaalka, waxaana wararka qaar ay sheegeen in carruurta guriga kor looga xiray oo looga tegay, iyadoo ciidamada ay arrintaas ka digeen in carruurta guryaha kaligood looga tegayo.
