Ciyaaraha xagaaga ee Soomaalida Mareykanka ayaa ka furmay Columbus Ohio, waxaana ciyaarta lagu daahfuray kooxaha Young Afican iyo Ohio United, kana dhacay garoonka weyn ee Columbus Crew Stadum oo ah garoon ay ku ciyaaraan Kooxo heer Caalami ah.<span;>Young Afican iyo Ohio United,
New American Heritage Sports League oo soo abaabulay barnaamijkan ayaa sheegay in shan sano kadib ay dib u soo celiyeen ciyaarahan iyaga oo uga gol leh in Dhallinyarada loo abuuro jawi ku dhisan is dhexgal iyo ka leexashada maan dooriyaha oo la xuso in ay maalin walba dhintaan dhallinyaro Soomaaliyeed oo aad u badan.
Related posts
Kulankii dhex maray kooxaha Young Afican iyo Ohio United oo ahayd mid ay labada kooxba soo bandhigeen cayaar aad u xirfad sareyso ayaa waxa ay ku soo idlaatay daqiiqadihii loogu talagalay 2-1 oo ay guusha ku raacday xidigaha Young Afican.
Inka badan 12 kooxood oo ka kala yimid gobolada dalka, ayaa si weyn loogu soo dhaweeyay Columbus oo ay horey sanad walba u imaan jireen.
Ciyaaraha xagaaga ayaa waxay Columbus ka dhacayeen in kabadan 30 sano, iyada oo saddex cisho la qabto ciyaaraha iyo xafladda cashada oo asxaabtu isku wareystaan.
Ciyaaruhu waa horseedka caafimaadka iyo helidda bulsho ka bad qabta waxyaabaha maanka dooriya, waxaana ay arrintan sii xoojineysaa is-dhexgalka bulshada.
