Ciyaaryahan Juan Cuadrado ayaa si rasmi ah ugu soo biiray kooxda Chelsea,isagoo ka soo tegay kooxda Fiorentina ee dalka talyaaniga.
Kooxda Chelsea ayaa ciyaaryahan Juan Cuadrado ku soo iibsatay lacag dhan 35 million oo euro,inkastoo ra’iisul wasaaraha dalka talyaaniga Matteo Renzi uusan ansaxin iibka ciyaaryahakan.
Ciyaaryahan Juan Cuadrado oo 26-jir ah ayaa afar sano iyo bar qandaraas ah u saxiixay kooxda Chelsea.
Ciyaaryahan Cuadrado ayaa sheegay in uu aad ugu faraxsanyahay,kana mahad celinayo fursada loo siiyay in uu u ciyaaro kooxda Chelsea oo hogaamineyso horyaalka ingiriiska.
Ciyaaryahan Cuadrado ayaa intaasi ku daray in ay tahay riyo u rumowday in uu ku soo biiro kooxda Chelsea oo uu hogaamiyo macalin Jose Mourinho.
Ciyaaryahan Cuadrado ayaa 26-gool u dhaliyay kooxda Fiorentina 106-kulan oo uu u ciyaaray.
Ciyaaryahan Juan Cuadrado ayaa sanadkii 2012 ku soo biiray kooxda Fiorentina,isagoo ka tegay kooxda Udinese.
