Ciidamada ammaanka magaalada Baydhabo ayaa lagu soo waramayaa in ay qabteen maleeshiyaad ka tirsan Kooxda Al Shabaab kuwaa oo ku hungoobay weerar xalay ay ku qaadeen guri Baydhabo ay ka dagan yihiin xubno ka tirsan maamulka Koofur Galbeed ee Soomaaliya.
Guddoomiye Key xigeenkii Magaalada Baydhabo Maxamed Isxaaq Ibraahin Afloow oo ka mid ahaa masβuuliyiinta ku sugnaa guriga la weeraray oo la hadlay Idaacada VOA ayaa sheegay Rag ka tirsan argagaxisada Shabaab ay Weerar ku soo qaadeen,waxaana uu Tilmaamay in Bambaanooyin iyo Rasaas toos ah lagu soo Weeraray laakiin Ciidamada si dhaqse leh ay kaga hortageen weerarkaasi naf la caarinimada ah.
Maxamed Isxaaq Ibraahin Afloow ayaa intaa ku daray in dhagar qabayaashaasi ay ka hortageen Ciidamada islamarkaana rasaas ay is dhaafsadeen taasi oo ka dhalatay in mid ka mid ah dhagar qabayaashaasi uu ku dhaawacmo rasaasta halka maleeshiyaadkaasi ay isaga carareen goobta, waxaana ciidamada gacanta ay ku dhigeen dhagar qabahaasi oo dhaawac ahaa Heyβadaha ammaankana gacanta ay ku hayaan.
Ciidamada Ammaanka ayaa magaalada Baydhabo ee Xarunta gobolka Bay saakay ka wada howlgalo ammaanka lagu xaqiijinayo, iyadoo ciidamada xoga dadka shacabka ah ay ka heleen ku howlgalayaa kuwaa oo qeyb ka ah sugida ammaanka.
