Ciidanka gaarka ah ee Hay’adda Nabad Sugidda iyo Sirdoonka Qaranka (NISA), ayaa howlgal qorsheysan oo ay ka fuliyeen tuulada Macalinka, oo u dhaxeysa degaanada Bariire iyo Sabiid ee gobalka Shabeellada Hoose, ayaa lagu dilay mid ka mid ah horjooge yaasha Khawaarijta, iyadoo ciidamadu ay ka furteen hubkii uu sitay.
Ciidanka ammaanka, gaar ahaan naftood hurayaasha NISA, ayaa si joogta ah u sameeya howlgallo qorshaysan, kuwaas oo looga hortagayo dhagar kasta oo ay Khawaarijta ku doonayaan inay ku waxyelleyaan Shacabka Soomaaliyeed.
