Ciidamada Soomaaliya oo gacan ka helaya saaxiibbadooda caalamka ayaa howlgal qorsheysan ka fuliyey gobolka Shabeellada Hoose.
Howlgalkan ayaa dhacay 23-kii bishaan, waxaa lagu bartilmaameedsanayey horjoogeyaal ku dhuumaaleysaney gobolka, kuwaas oo qaarkood loo geystay khasaare xooggan.
Howlgalka waxa uu si gaarka ah uga dhacay deegaannada kala ah Kuunye-Barroow iyo Nawaaxiga Aw-dheegle.
Saraakiisha Amniga Soomaaliya ayaa xaqiijiyey in howlgalka aysan waxyeello ka soo gaarin shacbiga, uuna ku soo dhammaaday sidii loogu talogalay.
Ciidamada wadajirka ah ayaa sidoo kale burburiyey Jidgooyo ay dhigteen malleeshiyada Al-shabaab, waana tallaabo loo qaaday badqabka shacabka iyo wiiqista argagixisada Al-shabaab.
