Ciidamada ammaanka ayaa xalay howlgallo ay ka sameeyeen qaar ka tirsan degmooyinka gobolka banaadir ku soo qab qabtay dad lagu tuhmayo inay ka tirsan maleeshiyada Al-Shabaab.
Ciidmada ayaa howlkanka ka fuliyay Degmooyinka Yaaqshid iyo Hiliwaa, iyagoo ku soo qabtay 50 oo lala xiriirinayo inay ka tirsanyihiin maleeshiyada Al-Shabaab, kuwaasi oo ay iminku ku socoto baaritaanno la xiriira tuhunka loo heysto.
Sidoo kale ciidamada howlgallada ee wada jirka ah ayaa waxa ay sidoo kale howlgal balaaran ka fuliyen Degmada Waabari kaas qaatay saacado badan ciidmadan oo isugu jiray NISA booliska, Milateriga Asluubta iyo AMISOM ayaa waxa ay dhamaan xireen Wadooyinka soo gala iyo kuwa ka baxa Degmada.
Hey’adda Nabad-sugidda iyo sirdoonka Qaranka ayaa mid mid u baarayey guryaha kuyaala xaafadaha Degmada Waabari, iyagoo si wanaagsan oo naxariis leh ula dhaqmaayan shacabka Soomaaliyed,
Howlgalkan oo ah mid qorsheysan isla markaana qaatay waqti badan ayaa waxaa lagu soo qab qabtay 250 ruux, kuwasasi oo 22 qof oo kamid ah lagu qabtay iyagoo sameynaya lacagta dolarka Mareykanka oo been abuur ah, halka 21 ka kale lagu tuhmayo iney ka tirsan yihiin Al-Shabaab.
Afhayeenka gobalka Banaadir Cabdifataax Cumar Xalane ayaa howlgalka kadib waxa uu Warbaahinta Qaranka u sheegay in howlgalka lagu soo qabtay tiro dad ah, baaritaanno ka dib la siiyay, ayna jiraan kuwa kale oo weli ay ku socoto howlo baaritaanno ah.
Ciidamada ammaanka ayaa maalmihii dambe sii joogteynayey howlglalada lagu ciribtirayo Al-Shabaab si loo fashiliyo dhagarta ay u maleegan shacabka Soomaaliyed.
