Howl galo qorsheysan oo ay ciidamada Booliska sida gaarka ah u tababaran ee Haramcad ka sameeyeen wadada xiriirisa Siinka dheer iyo Ceelasha biyaha ayaa waxaa lagu fashiliyay Miinooyin nooca Dhulka lagu aaso ah kuwaasi oo la dhigay inta u dhaxaysa labadaasi deegaan.
Ma jirto wax qasaare ah oo ka dhashay howlkaan waxa ayna ciidamada oo xogta ka helay shacabka deegaanka ku guuleysteen in ay soo saaraan dhamaanka miinooyinkaasi argagixisadu dooneysay in ay shacabka ku dhibaateyso.
Saraakiisha hugaamineysay howlgaladaan ayaa warbaahinta qaranka u sheegay in dadka deegaanku u soo gudbiyeen xogta ku saabsan dhagarta kooxda Al-shabaab ee doonayay in ay shacabka soomaaliyeed ee wadadaasi ku safra ku dhibaateeyaan miinooyinka ay wadada galiyeen.
Al-shabaab ayaa qaada talaabo kasta oo ay wax ugu dhibi karaan shacabka soomaaliyeed waxaase marar badan dhagarahooda fashiliya ciidamada qalabka sida ee soomaaliyeed.
