Ciidanka difaaca maamulka Puntland ayaa ka hortagay maleeshiyaad ka tirsan Al-Shabaab oo isku dayay in ay weerar ku soo qaadaan deegaanka Af-urur, kuwaas wali lagu sii baacsanayo deegaanada fog ee ay ku dhuumaleysanayaan.
Argagixisada ayaa khasaaro xooggan lagu gaarsiiyay dagaal kooban oo dhexmaray maray ciidanka difaaca Puntland iyo maleeshiyada, xilli uu socday howlgalka.
Saraakiisha hoggaamineysa weerarka ayaa sheegay in ay tiro meydad ah oo kamid ah argagixisada ay daadsan yihiin agagaarka deegaanka Af-Urur, waxaana weli soconaya howlgalka sifeynta ah ee ay wadaan Ciidanka Puntland.
