Ciidamada Sida gaarka ah u tababaran ee Gaashaan ayaa soo gaba gabeeyay howgalka Hotel Maka Al Mukarama ay ka sameeyeen oo Maleeshiyaadka Nabad diidka ee UGUS ay ku qaadeen, iyadoo ciidamada ay ku dileen Hotelka Dhagar qabayaashii weerarka soo qaaday.
Ciidamada ayaa soo bad baadiyay dadkii hotelka ku jiray oo isugu jiray Masβuuliyiin,Siyaasiyiin, Ganacsato, dad shacab ah, iyo shaqaalaha hotelka, waxaana guud ahaan hotelka gacanta ku haya Ciidamada sida gar gaarka ah u tababaran ee Gaashaan.
Wariyaha Warbaahinta Qaranka C/casiis Maxamuud Guuleed Africa oo ku sugan Dabaqa Sare ee Hoel Maka Al Mukarama ayaa soo sheegaya in Ciidamada oo howlgalka soo afjaray ay tira koob ku hayaan qasaaraha ka dhashay weerarkaasi bahalnmimada ah.
Kooxda Gumaadka Umadda Soomaaliyeed ee UGUS ayaa markii ay ku jabeen weeraradii is xig xigay ee ciidamada qalabka sida ku qaadeen waxa caro ay kala dul dhaceen dadka shacabka ah, iyagoo awoodoodii ku soo koobay beegsiga dadka shacabka ah iyo in ay isku qarxiyaan Goobaha dadka ay isugu yimaadaan.
