Dowladda Hoose ee Xamar ayaa howlo burburin dhismayaal sharcidarro ah maanta ka fulisay magaalada Muqdisho.
Ciidanka ilaalinta deegaanka Xamar oo gacan ka helaya kuwa nabadgelyada ayaa howlgalkan ka fuliyay nawaaxiga garoonka diyaaradaha Aadan Cadde halkaasoo dhismayaal sharcidarro ah dad ay ka dhisteen.
Taliyaha Qebta guud ee gobalka Banaadir G/sare Bishaar Abshir Geeddi ayaa warbaahinta u sharaxay dhismooyinka ay maanta bur burburisay Dowlada Hoose ee Xamar, isagoo sheegay in dhulkan uu ahaa hantida dowladda islamarkaana ay dad u dhisteen si sharcidarro ah.
“Dhismooyinka idin muuqda oo ay dowladda bur burisay waxaa uu ahay dhismooyin shraci daro ah, waxaana dhulkan uu ahaay mid dan guud ah marka lama aqbali karo in dan gaar ah lagu bixiyo” ayuu yiri G/sare Bishaar Abshir.
Guddoomiyaha gobalka Banaadir ahna Duqa Magaalada Muqdisho Mudane Yuusuf Xuseen Jimcaale “Madaale” Waxaa uuna dhankiisa kula dardaarmay in dadka Soomaliyed ineysan ku fududaanin in hantidooda ay galiyaan dhul sharci dara ah.
“Waan ka naxsanahay in hantida uu leeyahay qof Soomaliyed maanta la burburiyo laakiin lama aqbali karo in qof maskaxdiisa taam tahay uu si sharci dara ah ku dhisto dhul dowladed oo dan guud ah waxkaste oo si sharci dara ah lagu dhiso si sharci dara ah ayey ku dhamaadan” ayuu yiri Duqa Muqdisho
