Wararka laga helaya dhulka Falastiiniyiinta, gaar ahan Daanta galbeed ayaa sheegaya in ciidamada Isra’iill, ay subaxnimadii hore ee saakay laba qof oo Falastiini ah ku toogteen xerada Cuqabatu Jabar ee daanta galbeed.
Naasir Al-Anaani, oo ah maamulaha Isbitaalka Ariixa, ayaa Warbaahinta u sheegay in Isbitaalka la keenay meeydadka Labo dhalinyaro ah oo ay xabadka kaga yalaan Rasaas.
Dadka deegaanka ayaa ku warramay in ciidamada Isra’iil ay xoog ku galeen xerada ka hor inta aanan la dilin dhallinyaradan, waxayna tilmaameen in si lama filaan ah ay Ciidamada ku soo galeen Xerada xilli inta badan dadka ay ku jireen guryaha.
15-kii bilood ee la soo dhaafay, ayaa waxaa marba marka ka danbeeysa sii xooggeysanayay rabshadaha ka socday Daanta galbeed, iyadoo si isdabajoog ah ay weerarro ugu geeysanayeen Ciidamada Isra’iil.
