Ciidamada Israa’iil ayaa subaxnimadii hore ee saakay duqeymo ka geystay duleedka magaalooyinka Muxaybiib iyo Baliada ee ku yaalla koonfurta Lubnaan.
Wakaaladda wararka ee Lubnaan ayaa shaacisay in Ciidamada Isra’iil ay Madafiic culus ku garaacay magaalooyinkan.
Israa’iil ayaa sheegay in Ciidamadooda, ay ka hortageen waxa ay ku tilmameen weerarro khatar ah oo kaga yimid dhanka Lubnaan.
Ciidamada Lubnaan ayaa dhankooda sheegay in mid ka mid ah askartooda uu ku dhintay duqeyntii ay Koonfurta Lubnaan ka geysateen Isra’iil, halka saddex kalena ay ku dhaawacmeen.
