Ciidamada Isra’iil ayaa isaga baxay xerada Jeniin ee Daanta Galbeed, kadib maalmo ay halkaas ka wadeen howlgal ay ku bartilmaameedsanayeen dadka reer Falastiin ee xeradaasi ku sugnaa.
Muuqaallo ay baahisay Warbaahinta ayaa muujinaya burbur baahsan oo ay halkaasi ka geeysteen Ciidamada cirka iyo dhulka ee Isra’iil.
Tirada dadka ay halkaasi ku dileen Ciidamada Isra’iil, ayaa lagu sheegay 12 ruux, halka dhaawacana uu kor u dhaafay 100 qof.
Tv-ga Al-jazeera oo xaalada xeradan ugu kuurgalayay ayaa sheegay in ciidamada Isra’iil ay burburiyeen kaabayaashii noolasha ee xeradaas, kadib muddo laba maalmood ah oo dagaallo ay ka socdeen xerada Jeniin ee dhacda Daanta Galbeed ee dhulka Falastiiniyiinta.
