Ciidamada amaanka dalka Masar ayaa sheegay iney dileen in ka badan 12-tuhmanayaal dagaal,islamarkaana xabsiga u taxaabeen 100-ruux oo kale ka dib howlgalka Militari oo ay ka sameeyeen waqooyiga Sinai.
Ciidamada Militariga ayaa war oo ay maanta oo isniin ah ka sii daayeen Warbaahinta Dowladda waxay ku sheegeen in howlgalkaan uu daba socdo howlgal kale oo Ciidamada ay horay u qaadeen kaasi oo ay ku dileen ugu yaraan 16-dagaalyahano.
Ciidamada Cirka ayaa sidoo kale waxay bartilmaameedsadeen 60-bartimaameed oo ay ku jiraan gaadiid dagaal,Hub culus iyo xarumo isgaarsiineed,sida lagu sheegay warka Ciidamada Militariga Masar maanta ka soo baxay.
Si madax banaan looma xaqiijin karo Khaasaraha soo gaaray Ciidamada Militariga.
Dowladda Masar ayaa mudo afar sano dagaal adag kula jirta Kooxo hubeysan oo wada olole ka dhan ah Dowladda Militariga uu hogaaminayo ee dalkaasi,waxaana ololahaasi looga horjeedo Dowladda uu ku xooggan yahay magaalada Sinai.
