Ciidamada PSF-ta Puntland ayaa howlgal ka dhan ah maleeshiyada Al-Shabaab ka fuliyay degaanada Muguc iyo Ceel Onkod ee buuraha Cal Madow.
Hawlgalka oo ujeedkiisu ahaa sidii loo afjari lahaa xubno ka tirsan argagixisada Al-Shabaab oo miinooyin iyo qaraxyo ku aasa wadada isku xirta Sugure,Balikhadar iyo buuraha Galgala ee gobolka Bari.
Howlgalka ayaa intii uu socday waxaa ciidanka u suurta gashay in ay gacanta ku soo dhigaan xubno lagu tuhmayo in ay xiriir la leeyihiin maleeshiyada Al-Shabaab, waxaana howlgalka uu ku soo dhammaady guul.
Saraakiisha hoggaamineysay howlgalka ciidanka Puntland ay sameeyeen ayaa sheegay in ay sii wadi doonaan gulufka ka dhanka ah kooxaha nabad-diidka si deegaanada Puntland looga ciribtiro falalka argagixiso.
