Saraakiisha ammaanka dalka Tunisia ayaa sheegay in ay xireen wiil uu abti u ahaa ninkii fuliyay weerarkii ka dhacay magaalada Berlin ee Anis Camri iyo laba nin oo iyaguna looga shakiyay in ay ka tirsanaayeen ururada argagixisada.
Ciidanka Ammaanka ee dalka Tunisia ayaaΒ bilaabay hawlgallo ay ku baadi goobayaan ciddii gacan ka siisay fulinta weerarka ka dhacay magalada Berlin oo ay ku geeriyoodeen ilaa laba iyo toban qof .
Related posts
Hawlgalkaasi ayaa soo baxaya ka dib markii bileeyska dalka Talyaaniga ay toogasho ku dileen ninka lagu magacaabo Anis Camri oo ay sheegtay dowladda Talyaaniga in ninka ay toogteen bileeyska talyaaniga uu yahay nin u dhashay waddanka Tunisia.
Anis Camri ayaa todobaadkii ina soo dhaafay ku weerary gaari bas ah meel ay ku sugnaayeen dad isku diyaarinayayay ka qayb galka ciidda Kiristimaska, oo uu jiirsiiyay baskii laba iyo toban qof, dabadeedna uu ka soo baxsaday waddanka Jarmalka, oo uu soo galay dalka Talyaaniga,isagoo carar ku jiray muddo saddex casho ah.
Bileeyska talyaaniga oo ku jira Roondo ayaa la kulmay Anis Camri oo weeydiiyay waraaqadaha aqoonsiga, halkii laga sugayay in uu soo saaro waraaqadihii aqoonsiga ayaa waxaa uu la soo baxay bastoolada oo uu ku riday askarigii joojiyay ee weeydiiyay waraaqadaha aqoonsiga, dabadeedna waxaa kaga hor maray xabbadda askari kale oo la socday askariga dhaawacmay oo ku riday shan xanadood, halkaasina uu ku naf baxay.
Baaritaanno ay sameeyeen bileeyska baara fal dambiyeedyada ayaa ogaaday markii baaritaan lagu sameeyay farihiisa ayay ogaadeen in ninka fuliyay weerarka Berlin e uu galaaftay nolosha laba iyo toban qof uu ahaa ninka ay toogashada ku dileen.
Saraakiisha Jarmalka ayaa beeniyay eedeeymaha ku saabsan in ay ku guuldarreeysteen in ay baaraan Anis Camri oo la sheegay in ay horey ula kulmeen, iyaga oo uga shakiyay in uu yahay ninkaasi argagixiso.
Afhayeen u hadlayay bileeyska magaalada Berlin ayaa sheegay maalintii shalay ahayd in ay sare u qaadeen tirada askarta ee loo xilsaaray sugidda amaanka inta lagu jiro ciidaha Kirismaska
