Degmada Ceelbuur ee gobolka Galgaduud ayaa maanta lagu soo bandhigay horjooge ka tirsan kooxda Shabaab oo lagu soo qabtay howlgal gaar ah oo ay ciidanka ka fuliyeen deegaanno hoos yimaada degmada Ceelbuur.
Taliyaha ciidanka xoogga dalka ee ka howlgala degmadaasi Ceelbuur, Col. Maxamed Kaahiye Carraale ayaa sheegay in horjoogaha oo lagu magacaabo Cali Yuusuf (Cali Ganey) ย lagu soo qabtay howlgal ay ciidamadu ka sameeyeen deegaanka Ceelshiid ee ka tirsan segmada Ceelbuur ee gobolka Galgaduud.
Col. Carraale ayaa xusay in horjoogaha la soo qabtay uu ka mid ahaa horjoogayaasha ugu waa-weyn ee Al-Shabaab kaasoo uu sheegay in uu dhibaatooyin xad dhaaf ah ku hayay bulshada ku nool deegaanno ka tirsan gobolka, isagoo tilmaamay inninkan la marsiino doono sharciga.
Taliyaha ayaa ugu baaqay dhallinyarada wali ku harsan Al-Shabaab inay ka baxaan kooxda, oo ay ka faa’iideystaan cafiska dowladda.
Ciidanka dowladda federaalka iyo kuwa AMISOM ayaa ku guulaystay inay kooxda Al-Shabaab ka saaraan deegaannada u dhaxeeya Dhuusamarreeb iyo Ceelbuur kaddib howlgallo milateri oo ay wadeen muddooyinkii ugu dambeeyay.
