Ciidamada Xooga Dalka ayaa la wareegay gacan ku heynta Degmada Aadan Yabaal ee gobolka Shabeellaha Dhexe oo hore ay ugu dhuumaaleysanayeen maleeshiyaadka Al-shabaab.
Saraakiil ka tirsan Ciidanka xooga Dalka ayaa warhaabinta Qarankaย u sheegay in Ciidamada ay la wareegeen guud ahaan Degmada islamarkaana hadda ay fariisimo ka sameysteen.
Ciidamada ayaa bilaabay howlgalo lagu xaqiijinayo ammaanka oo ka socda gudaha Degmada Aadan Yabaal, howlgalkaasi oo u jeedkiisa uu yahay in laga hortago qorshe walbo oo cadowgu ku dhibaateyn karo Dadka shacabka ah.
Shacabka ku nool Degmada Aadan Yabaal ee gobolka Shabeellaha Dhexe ayaa aad u soo dhaweeyay in Degmadaasi laga saaro Al-shabaab oo hore dhibaato ugu hayay Dadka rayidka ah, waxaana shacabku ay aad ula dhacsan yihiin in Ciidanka xoogga ay gaaraan Degmadaasi.
