Sida uu Radiomuqdisho u sheegay Col Cumar Macali Daahir oo ah Taliyaha Aaga Degmada Tayeglow Ee Ciidanka Xooga Dalka Soomaaliyeed Howlgal balaaran oo ay Ciidanku ka sameeyeen Degaano hoos taga Degmada tayeglow ayay ku dileen tiro maleyshiyaad ah oo ka tirsanaa Kooxda Al shabaab Al Qaacido.
Sarkaalkaan ayaa waxaa uu sheegay in Ciidanku ay Maleyshiyaadka Nabad diidka ah Ee Al shabaab ay ka dileen ku dhawaad 10 Maleyshiyo ah isla markaana ay ka soo reebeen Xoolo ay ka dhaceen dadka degaanka isla markaana ay Dadkii lahaa Dib ugu Celiyeen.
Related posts
โWaxaa uu ahaa Howlgal balaaran Ciidanka Xooga Dalka oo kaashanaya Dadka Shacabka ah Ee Degaanka ayaa waxaa ay ka sameeyeen Dhulka Howdka ah Ee Degmada tayeglow ku hareereysan waxaa ay sameeyeen iska cabin aan sidaas u sii buurneen waxaan ka dilnay ku dhawaad 10 maleyshiyo xoolihii ay dadka ka dhaceena waan ka soo reebnay hadana waan ku sii daba joognaa Firxadkoodaโayuu yiri Taliyuhu.
Ciidanka Xooga Dalka ayaa Gobolada Dalka oo dhan waxaa ay ka wadaan Howlgalo ay Cadawga Argagixisada ah Ee Al shabaab ay uga Sifeynayaan Dalka iyadoo inta badan Dalka Dhulkii ay ka maamulayeen laga Sifeeyay oo ay hadda Bulshadu Nabad ku Damaashaadayaan.
