Ciidamadda Xoogga dalka ayaa Howlgalo lagu baacsanayo Al Shabaab waxay ka wadaan deegaano hoos yimaada degmada Jamaame ee Gobalka Jubbada hoose.
Xasan Maxamed Aadan Ciraaqi oo ah Taliyaha Ciidanka Danab ee deegaanada Jubbaland ayaa faahfaahin ka siiyay Warbaahinta Qaranka Howlgalada ka socda inta u dhaxeysa Baarsanguuni iyo Araare.
Related posts
โHalkan waxaa la yiraahdaa Tuulada Muuse Xaaji oo ciidamada Soomaaliyeed iyo kuwa Jubbaland oo is garabsanaya ay sifeyn ka bilaabeen nimankii cadowga ahaa ee weeraray Baarsanguuni halaag iyo jab ayaa kasoo gaaray, ciidamada waxay sifeynayaan inta u dhaxeysa Baarsanguuni iyo Araare dhaawac iyo dhimasho badan oo cadwoga ah halkan waa laga aruuriyay qalab badan oo ay ka carareen waa laga hayaaโ.ayuu yiri Taliye Ciraaqi.
Sidoo kale Taliya ayaa shacabka Soomaaliyeed u diray Fariin ah inay Al shabaab ula dagaalamaan sida Kansarka oo kale, isla markaana Macluumaad ku saabsan meelaha ay ku dhuumaleysanayaan la wadaagaan Ciidanka Xoogga dalka iyo Kuwa Jubbaland si guud ahaan loo Ciribtiro Argagaxisada.
Madaxweyne ku xigeenka Koowaad ee Dowlad Gobaleedka Jubbaland Maxamuud Sayid Aadan ayaa gaaray goobaha ay ciidamada ka sifeeyeen cadowga, isagoona ku dhiiri galiyay guulaha ay usoo hoyeen Shacabka Soomaaliyeed, wuxuuna kulamo la qaatay Saraakiisha hoggaamineysa Howlgalada.
Howlgaladan ayaa qeyb ka ah kuwa lagu doonayo in looga xureeyo deegaanada Jubbaland Maleeshiyada Al shabaab oo dadka rayidka ah ku dhibaateeya meelaha ay ku dhuumaaleysanayaan.
