Ciidamada Xoogga Dalka iyo kuwa dib u xoreynta deegaanka ayaa maanta howlgallo ay Khawaarijta ku baacsanayaan ka wada degaanno dhaca galbeedka magaalada Buuloburde ee gobolka Hiiraan.
Guddoomiyaha degmada Buuloburde Xasan Maxamed Cabdi, Xildhibaan Cabdiladiif Maxamuud iyo Korneyl Cabdinaasir Sheekh Cali ayaa ka mid ah saraakiisha iyo masuuliyiinta hoggaamineysa howlgalkaas.
Ciidanka ayaa gaaray deegaannada Dhagaxyaale,Kiligubadle, Xarar iyo Boocaale oo Khawaarijtii ku dhuumaaleysan jirtay ay isaga carareen, waxayna ciidanku burburiyeen fariisimo iyo godad ay Khawaarijtu ka qodatay deegaannadaas.
