In ka badan 50 ka tirsan maleeshiyaadka Khawaarijta ayaa ciidanka xoogga dalka waxay ku laayeen Degaanka Cali -qaboobe oo qiyaastii 40-KM dhanka Koonfureed ka xiga Degmada Xarardheere ee koonfurta Gobolka mudug.
Howlgalkaan ay sameeyeen ciidanka Qaranka, ayaa waxay ku burburiyeen laba Gaari oo Qaraxyo iyo Saanad ciidan ay ku wadeen maleeshiyaadka Khawaarijta, kuwaas oo sida la sheegay kala soo dagay xeebaha u dhaxeeya magaalooyinka Xarardheere iyo Hubyo.
Sida Saraakiisha Xoogga dalka ay u sheegeen Warbaahinta Qaranka Ciidanka ayaa horay u sii haayay xogta Khawaarijta, waxaana howlgalkaan uu u dhacay sidii loo qorsheeyay.
