Ciidamada ka tirsan kuwa Xoogga dalka Soomaaliyeed ee ku sugan inta u dhexeysa Degmooyinka Jalalaqsi iyo Bula Burde ayaa saacadihii la soo dhaafay howlgalo ammaanka lagu xaqiijinayo ka sameeyay, iyadoo howlgaladaasi lagu soo qabtay maleeshiyaad naf la caari ah oo ka tirsan Argagaxisada Al Shabaab.
Saraakiisha Ciidanka Xoogga dalka Soomaaliyeed ee ku sugan aagaasi oo la hadlay Radio Muqdisho ayaa faah faahin ka bixiyay howlgaladaasi oo ay sheegeen in ay ahaayeen kuwa ammaanka lagu xaqiijinayol, islamarkaana lagu baadi goobayay argagaxisada Al Shabaab oo ku dhuumaaleysanaya deegaannada howdka ah ee ku teetsan wadadaasi.
C/laahi Barre Cilmi oo ka mid ah saraakiisha ciidamada ee ku sugan inta u dhexeysa Degmooyinka Jalalaqsi iyo Bula burde oo la hadlay Radio Muqdisho ayaa u xaqiijiyay howlgaladaasi ay ku soo qabteen 4-malaashiyaad ah oo ka tirsan qaswadayaasha Al Shabaab oo laba ka mid ah ay ahaayeen kuwa hubeysan oo ku dhuumaaleysanayay deegaanada baadiyaha ee ku yaala halkaasi.
C/laahi oo sii hadlay ayaa sheegay in howlgaladu weli ay sii socon doonaan islamarkaana meel kasta ay ku baacsan doonaan firxadka Al Shabaab oo gabalkoodu sii dhacay
