Ciidanka xoogga dalka Soomaaliyeed oo howlgallo ka dhan ah argagixisada Al-Shabaab ka wada gobolka Shabeellaha Dhexe ayaa maanta la wareegeen gacan ku haynta degaanno dhowr ah.
Howlgalkan oo ay hoggaaminayaan Xildhibaanno iyo Saraakiisha ciidamada xoogga dalka ayaa waxaa ay kula wareegeen tuulooyinka Warkulan, Bakajeex, Gaaleef, Warciise, Qoordheere iyo Jilableey kuwaasi oo dhammaantood ku dhaca inta u dhaxaysa magaalada Jowhar iyo degmada Raageceele ee gobalka Shabeellaha Dhexe.
Deegaanada ay Ciidamada la wareegeen ayaa marin muhiim ah u ahaa isu socodka argagixisada, waxaana howlgalkaan uu qayb ka yahay qorshe gobolka Shabeellaha Dhexe looga saarayo maleeshiyaadka Al-Shabaab.
Wasiirka Howlaha Guud XFS oo shir muhiim ah ka daahfuray Spain
Shirweynaha Spain–Africa 2025 ayaa ka furmay magaalada Madrid, iyadoo uu si rasmi ah u furay Wasiirka Wasaaradda Hawlaha Guud ee...
